Leikskóla stúlka gaf hjólið sitt

Matt­hild­ur Eggerts­dótt­ir, fjög­urra ára leik­skóla­stúlka, setti hjóla­söfn­un Barna­heilla form­lega af stað í Sorpu í dag og gaf hjólið sitt í söfn­un­ina. Þetta er í þriðja sinn sem Barna­heill standa fyr­ir söfn­un á notuðum reiðhjól­um fyr­ir börn og ung­linga. Söfn­un­in stend­ur til 15. júní og verður hjól­um safnað á end­ur­vinnslu­stöðvum Hringrás­ar og Sorpu á höfuðborg­ar­svæðinu.

Hjól­in eru ætluð börn­um sem ekki hafa kost á því að kaupa sér reiðhjól. Hægt er að sækja um hjól hjá Fé­lagsþjón­ust­unni í Reykja­vík, Kópa­vogi, Hafnar­f­irði og í Reykja­nes­bæ.

Lið sjálf­boðaliða ger­ir hjól­in upp und­ir styrkri stjórn sér­fræðinga í reiðhjólaviðgerðum. Söfn­un­in er að þessu sinni unn­in í sam­starfi við Æsk­una barna­hreyf­ingu IOGT og Íslenska fjalla­hjóla­klúbb­inn.

Hægt er að fylgj­ast með hjóla­söfn­un­inni á Face­book-síðu henn­ar þar sem fólk get­ur einnig skráð sig til þátt­töku í viðgerðum.