Berj­ast gegn hat­ursorðræðu á net­inu

Ung­mennaráð SAFT og SAMFÉS skora á fjöl­miðla sem hafa at­huga­semda­kerfi á síðum sín­um að hvetja not­end­ur til ábyrgr­ar notk­un­ar þeirra. Það má meðal ann­ars gera með því að hafa eft­ir­far­andi setn­ing­ar áber­andi í at­huga­semda­kerf­inu:

1. „Það sem þú ger­ir á net­inu end­ur­spegl­ar hver þú ert. Hugsaðu áður en þú set­ur á netið. Orðum fylg­ir ábyrgð!“ #Ekk­ert­hat­ur

2. „Hugsaðu áður en þú deil­ir. Gjörðir á net­inu hafa af­leiðing­ar á raun­veru­legt fólk. Orðum fylg­ir ábyrgð!“ #Ekk­ert­hat­ur  

3. „Eng­inn má birta meiðandi mynd­ir eða um­mæli um aðra. Það sem birt er á net­inu verður ekki tekið til baka. Orðum fylg­ir ábyrgð!“ #Ekk­ert­hat­ur

4. „Hugsaðu áður þú birt­ir. Orðum fylg­ir ábyrgð!“ #Ekk­ert­hat­ur

5. „Það sem þú ger­ir á net­inu get­ur komið í bakið á þér síðar. Orðum fylg­ir ábyrgð!“ #Ekk­ert­hat­ur 

Setn­ing­arn­ar eru samd­ar í tengsl­um við verk­efnið Ekk­ert hat­ur –orðum fylg­ir ábyrgð, átaks­verk­efni gegn hat­ursorðræðu á net­inu sem ung­menn­in í SAFT og SAMFÉS hafa tekið virk­an þátt í.

Í frétta­til­kynn­ingu seg­ir að hóp­ur stofn­ana og sam­taka á Íslandi standi á bak við átakið og er það hluti af verk­efni Evr­ópuráðsins sem ber heitið No Hate Speech Mo­vement. Fyr­ir hönd mennta­málaráðuneyt­is­ins ann­ast SAFT, Heim­ili og skóli – Lands­sam­tök for­eldra,  SAMFÉS, Lands­sam­band æsku­lýðsfé­laga, Mann­rétt­inda­skrif­stofa Íslands og Æsku­lýðsvett­vang­ur­inn út­færslu verk­efn­is­ins á Íslandi.

Hóp­ur­inn fundaði í dag ásamt full­trú­um ung­mennaráðanna og for­mönn­um æsku­lýðssam­taka og sam­tök­um sem vinna með börn­um og ung­menn­um. Á fund­in­um var verk­efnið kynnt og ung­menn­in sögðu frá vinnu sinni í tengsl­um við það. Aðstand­end­ur verk­efn­is­ins hvetja alla til þess að kynna sér setn­ing­arn­ar og nota þær þegar þeir verða var­ir við ljótt orðbragð, einelti eða hat­ursáróður á net­inu.